XML-kjelde

Importera XML-data i eit rekneark

Funksjonen XML-kjelde gjer det mogleg å importera data frå tilfeldig strukturerte XML-filer. inn i celler i eit rekneark. Det er råd å importera deler av eller heile XML-innhaldet, avhengig av strukturen på XML-innhaldet og kva vilkår som er definerte av brujkaren. Brukaren kan definera fleire ikkje-overlappande understrukturar som kan leggjast inn i ulike celler i det same reknearket. Det er råd å importera elementinnhaldet eller eigenskapane eller begge.

For å bruka denne funksjonen …

Menu Data → XML-kjelde …


XML-kjeldedialogvindauge

-XML-kjeldedialogvindauget

Dialogvindauget er delt i fire delar:

Kjeldefil

Her kan du setja inn stien til XML-fila som skal importerast i dokumentet.

Tilordna til dokument

Dette feltet viser strukturen til XML-kjelda som eit tre. Feltet er tomt til du legg til kjeldefila.

Kvart element i treet kan vera éin av tre typar:

Eit ikkje-gjentaklande element er eit element som vert brukt berre éi gong under dei same foreldra. Det vert lagt i ei enkelt celle i dokumentet.

Eit gjentakande element kan brukast fleire gonger under dei same foreldra. Det tener som eit lukka forelder til ei enkel oppføring i ein post med fleire oppføringar. Desse oppføringane vert importerte inn i eit område med høgd lik talet på oppføringar pluss ei overskriftrad.

Tilordna celle

Dette feltet viser kva celle eit element eller ein attributt er lenkja til. Dersom det er eit ikkje-gjentakande element eller ein attributt, er dette cella verdien vert importert til. Er det eit gjentakande element, viser feltet til den øvre, venstre cella i området der alle postoppføringane plus overskrifta vert viste.

Importer

Trykk knappen «Importer» for å importera fila. Dialogvindauget vert lukka når importeringa er ferdig.